مصر إلى التغيير.. بعد التحرير
رسالة إلى الفاسدين
لو كنت فاسد، وقاصد،
والدنيا هاصت، ولاصت،
جالك خلاصك يا أفندي،
عقلك في راسك.. مداسك،
حكم دماغك.. تعدي،
وإلا راحت عليك.
من غير مبادئ.. وعايش،
جوا الخنادق، فاتح إيديك.
وفاتح لي درجك، وكرشك،
والناس في وشك.. تغشك،
ومن وراك.. تدعي عليك.
ربك وعارف فسادك،
عيشت منه ولادك،
كفاية شفط ورشاوي،
كفاية نهب وبلاوي،
يومك قريب،
وهتيجي رجليك.
ليست هناك تعليقات:
إرسال تعليق